ये तो बाजोट्या पे बेटा रे बन्ना रपट पड़्या-2, थाने घणी खमा ओ बन्नासा काँ पड़ग्या-2……॥1॥
माने सादी रे ब्याव री लगन लगी -2, माने लगन लगी रे गेरी उगम लगी-2…….॥2॥
ये तो बन्दोळी में जाताँ रे बन्ना घोड़ी पूँ पड़ग्या-2,
थाने घणी खमा ओ बन्नासा काँ पड़ग्या-2……….॥3॥
माने बन्दोळी में रे जाताँ बनी याद आयेगी-2, माने सादी रे ब्याव री लगन लगी-2।
माने उगम लगी रे गेरी लगन लगी-2………॥4॥
ये तो चँवर्यां में जाताँ बन्ना रपट पड़्या-2, थाने घणी खमाओ बन्नासा काँ पड़ग्या-2………॥5॥
ओ माने फेरा फरण री लगन लगी-2, माने हतेळा जोड़बा की लगन लगी-2।
माने उगम लगी रे गेरी लगन लगी-2…………॥6॥
ओ ये तो गाम जाताँ रे बन्ना रपट पड़्या-2, थाने घणी खमा ओ बान्नासा काँ रपट्या-3………॥7॥
