बन्ना सा तो चाल्या साँवणी रे सेर-2, बन्नी ने कई केग्या ओ बन्ना सिरदार-2।
बन्ना सा तो चाल्या उदियापुर रे सेर-2, बन्नी ने कई केग्या ओ बन्ना सिरदार-2।
खावज्ये ने पीवज्ये घरकी ऐ नार, ढोल्ये पोडी रिज्ये ऐ बन्नी सिरदार-2।
परण्या ने वेग्या दन दोय च्यार-2, ये दन कूँकर काडूँ ओ बन्ना सिरदार-2।
दिन में तो रेवती सातणिया रे लार-2, रात्यूँ तारा गणती ओ बन्ना सिरदार-2।
मूँ थाने बूजूँ जोड़ी रा ओ बनड़ा-2, थाँ दन कूँकर काड्या ओ बन्ना सिरदार-2।
दिन में तो रेवतो सातीड़ा के लार-2, रात्यूँ फिलम देकी ऐ बन्नी सिरदार-2।
मूँ थाने बूजूँ जोड़ी रा ओ बनड़ा-2, थाँ दन कूँकर काड्या ओ बन्ना सिरदार-2।
बन्ना सा तो चाल्या जोदाणा रे सेर-2, बन्नी ने कई केग्या ओ बन्ना सिरदार-2।
खावज्ये ने पीवज्ये घरकी ऐ नार, ढोल्ये पोडी रिज्ये ऐ बन्नी सिरदार-2।
