1. जो कदी मन ने जीत्यो, वो भगवान की दन्याँ को पड़दो ने बण सके।
– विनोबा भावे
2. कस्सी भी नुई चीज की सरुआत बड़्या वी, तो हमजलेणो के आदो काम वेग्यो।
- प्लेटो
3. निकळ्या तका टेम को ग्यान वेवे, वो जमारा की उमीदा नरोगी करे।
-अज्ञात
4. आपणी भूल आपणा हाताँ मूँ हुदर जावे, तो यो गणो बड़्या हे, दुजा वीं भूल ने हुदारे।
-प्रेमचंद
5. आपणा मईने सुकसान्ति बापर जावे तो हारी दन्याँ सुकसान्ति मूँ नजर आवे।
-योग वशिष्ट
6. भणबो तो हर कुई जाणे, पण कई भणणो, जो कुई ने जाणे।
- प्रेमचंद
7. बना राजी व्या तका कस्सी हऊ चीज ने मल सके।
-एमर्सन
8. रेमो (आराम) गूंगो हे।
-शेक्सपीयर
9. मनक को जमारो अणी बाते हे, के वो पाप मूँ लड़े।
-सुभाषचन्द्र बोस
10. दन्याँ हऊ मनकाँ ने होदे, हऊ मनक दन्याँ ने ने होदे।
-रविन्द्रनाथ टैगोर
11. ग्यान केवे के पाको इरादो जरुत की टेम पुरो काम आवे।
-शेक्सपीयर
12. जदी थाँकाणी ऊँची चोटी पे पूगबा की आसा राको, वीं टेम दुजी अन तीजी जगाँ तक पूग जाणो खूब हे।
-सिसरो
13. हऊ मन अन बच्यार धारबाऊँ मनक ठाबन्द बण सके।
-भगवान महावीर
14. जाणकारी को अरत हे, आपणा करम का फावा मे बड़्या वेणो अन करम को फावो कई हे? -जमारा की लड़ई।
– जयशंकर प्रसाद
15. राजी वेणो अस्यो चोरायो कोइने, जो थाकाणी पुगो हो, या तो आतरा की एक दोस्त हे।
-एम रनबैक
16. हाँच का बाते हरेक चीज ने मार सका पण हाँच ने किकई बाते ने मार सकाँ।
-स्वामी विवेकानन्द
17. धीरे काम करबा को कारण हारी अड़चण की जड़ हे। जात को मावल रुपाळो अन बड़्या वे सके। जदी सन्तोस की भावना हरेक मनक मे घर बणा जावे।
– राजेन्द्र प्रसाद
18. आदमी आपणा धरम ने मानणो छावे पण वींको करम दुजा की इज्जत ने भगाड़े। जदी आपाणी दूजा की इज्जत भगाड़ा तो आपाणी दुजा का मान सम्मान के भाँते हक ने राका।
-वेदव्यास
19. मनक जमारा को खेल हे। आपणा बच्यार, काम अन सबद एकन एक दन आपाणा नके वस्यान का दन पाछा आजावा।
-क्लोरेंस स्काबेल शिन
20. दन्याँ में सबऊँ मोटी गुंजाइस हुदार की गुंजाइस हे।
-अज्ञात
21. बना जमारा को होस किदा तका चालबा वाळो टेम अदुरो रेवे।
- अज्ञात
22. हूगलो काम करन राजी ने वेणो छावे, असली मजो तो बड़्या काम करबाऊँ वेवे।
-अज्ञात
23. एकेला रेबो माने बतावे, थाँने कस्यान वेणा छावे। जात माने बतावे, के आपाणी हाँची में कस्यान हा। -सिसिल
24. इज्जत एक अस्यो बेवार हे, बेवार भी एक तरेक को बोज हे।
-नील्से
25. आपणा ग्यान को आपाने जो मोल चुकाणो पड़े, जदी वींने वीस मोल में बेच सका, तो करोड़पती बण जावा।
-एबिगेल वान ब्युरेन
26. मनक अबकई ने सेन कर सके, काँकि वे बानूँ आवे। आपणा दोस ने मानणो तो जमारा को अरत हे।
-ऑस्कर वाइल्ड
27. जणी काम में आत्मा खत्म वेवे, वो पाप हे।
-महात्मा गांधी
28. यो मत पूँछो थाँको देस थाँके बाते कई कर सके। यो पूँछो के थाँकाणी आपणा देस के बाते कई कर सको।
-जॉन एफ कैनेडी
29. होरा वेबा को कारण यो हे, थाँकाणी दूजाँ मनकाँ ने होरा राको।
-इंगरसोल
30. जनता की मांग हे हुदा रेणो, परेमऊँ अन एक दुजा की मान समान राकणो।
– पं. जवाहर लाल नेहरू
31. रेणीसेणी जमारा में राज करबा वाळी चीज हे। यो जाणकारीऊँ बड़्या हे।
-फ्रेडरिक सॉन्डर्स
32. मनक भगवान को ऊजळो हाँचो मन्दर हे। ईं बाते जीवता देवता की सेवा करो।
-स्वामी विवेकानन्द
33. बेराजी जदी ठेट पूग जावे, जिंदाण आपाणी अकल गमा देवाँ।
-सुकरात
34. जो मनक रीस ने ने ढाब सके, वो मनक दन्याँ में कई काम को कोइने।
-चेस्टरफील्ड
35. कस्योइ काम बना पुजा ने करणो छावे। आतमा के बाते पुजा उतरी जरुरी हे जतरो सरीर के बाते खाणो।
-महात्मा गांधी
36. जदी मनक में रबतार मूँ अकल लेबा की छावना हे अन वो वींकी मेनत कर्यो हे, तो वींका हारई दोस वस्यानी खतम वेजई।
-अज्ञात
37. हर किकी बाताँ जरुर हुणलो, पण आपणो फेसलो छाने राको।
-शेक्सपीयर
38. आपाणी जदी मानता के भड़े वेवाँ, जदी माकाणी नरमई में ठाबन्द वेवाँ।
-रवींद्रनाथ टैगोर
39. देबा को आणंद लेबा का आणंद मूँ मोटो वेवे।
– अमर पॉल
40. संगत वा हे जो वटूँ थाँकाणी हळका वेन आवो पण जटूँ थाँकाणी भारी वेन आवो, रिस्याँ बळणो, दसमणी अन खोट्याँ खाणी हीकन आवो वा संगत कोइने।
– श्री कांत कुलश्रेष्ठ
41. किस्मत ने दोस देबाऊँ पेली आपणा में दोस, ओगुण, बना काम को अन खराब ने निकाळ देणो।
– रोदिन
42. कस्योई काम, जो थाँके भड़ा की सगती ने जगा देवे वो धरम हे, ज्यो थाँका सरीर ने दूबळो कर देवे वो पाप हे।
– स्वामी विवेकानन्द
43. आलतरे किनी दया अन परेम की वी चीज ने हारई पाळ्ड़ूँ ने ओळकणी ज्यो एक बाळक का मईने वेवे। अकल को हाँचो नरणे वो हे ज्यो ईं भण्डार ने बकेर सके।
– इमा गोल्डमेन
44. उटो जागो अन जटा तक मत रुक, जटा तक ठाणा तक ने पुगे वटा तक।
– स्वामी विवेकानन्द
45. बोज कम पड़ जावे, राजी वेन वींने तोके जदी।
– ओविड
46. मारो आसरो ठेट तक अनोको हे, यो जमारो हे।
– रविन्द्रनाथ
47. बच्यार जदी हाँचा वे जावे जिंदाण वो मान्यो तको मनक बण जावे।
– विलियम हैजलिट
48. मोको होद लेवे अन पाण मोका ने हेलो मुनापो देवे।
– हेनरी एस हस्किन
49. मनक के हारई अकल में हाँ पेली अकल हे, काँकि यो हारी अकल की जमेदारी लेवे।
– चर्चिल
50. दसमण, परेम, लगाव, काम करणो अन धन के लारे ईं दन्याँ में कुई जनम ने लेवे, हारई धीर-धीरे आवे।
– रहीम
51. टूटो तको मन बड़्या लकण हे, ईंको मतलब हे के माकाणी कस्यी चीज बाते कोसिस किदी।
– एलिज़ाबेथ गिल्बर्ट
52. परेम की नन्दी की बात अनोकी हे। जो ईमूँ पार वे सके वो हाँची में डूब जावे अन जो परेम में डुबे वो पार लाग जावे।
– अमीर खुसरो
53. परेम लड़ई का जस्यान वेवे, सरुआत तो होर्री पण खत्म घणो अबको।
– एच. एल. मैकमैन
54. एक चीज जो आपाणी हारी ने पा सकाँ, वो हे परेम। एक चीज जो आपाणी हारी ने दे सकाँ वो बी परेम हे।
– हेनरी मिलर
55. बड़्या मनक जदी रूस जावे, तो परेमूँ वाँने हो दाण बी हमजा लेणा छावे। काँकी मोत्याँ की माळा कतरी बी दाण टूट जावे पण आपाँ वींने गूँत लेवा।
– कबीर
56. ईं बात को हेलो काम कोने हे, दन्याँ में आपाँ कटे उबा हाँ पण जरूरी तो यो के आपाँ कस्यी दसा में जार्या हाँ।
– एमर्सन
57. नेतागरी हेला हार-जीत को बोपार हे।
– कावत
58. अबकई अस्यो पेमानो हे, जिंकापे आपणा दोस्त ने तोल सकाँ।
– प्लुटार्क
59. बरका को नरणे डील पे अन वींपूँ मन पे वेवे। पुजा को नरणे काळजाऊँ आत्मा पे वेवे।
– विनोबा भावे
60. बसवास वाँ सगत्या मूँ एक हे, जो मनक ने जीवतो राके। बसवास को आकुई दबाव जमारा मे कई काम को कोइने।
– विलियम जेम्स
61. जदी लगन अन कळा एक लारे मलन काम करे, तो एक ओरी हऊ कळा की आस करो।
– रस्किन
62. जीतबा की जईगाँ पे अस्या मनक की कई जरूत कोइने जो दुकी अन अबको वेवे।
– स्वेट मार्डेन
63. जदी थाँकाणी ऊपरे जावो तो गेला में मलबा वाळाऊँ हऊ बेवार करणो। जदी थाँका रेटे जावो तो वे पाच्छा मेली।
– विलियम बिजनर
64. थाँने थाँका मईनूँ हारई जवाब मल जई, खाली थाँने छाना- माना रेन वाँकी बाट नाळबो हीकणो पेड़ी।
– विलियम बरोज
65. असली गलती तो वा वेवे, जीऊँ आपाँ कई हीकाँ कोइने।
– जॉन पावेल
66. हऊँ चीज हेली चीजाऊँ बड़्या हे जस्यान एक छक्को, दो रन बणाबा वचे तो घणो हऊँ हे।
– स्टीव जोब्स
67. सान्ति दन्याँ को बचलो गेलो कोइने कन तो मन अस्यो हे, जो आतमा की गेरई मूँ आवे।
– जवाहर लाल नेहरू
68. जदी थाँने लागे के नरणे तक ने जा सकाँ, तो नरणे ने बदलणो पण काम में बदलाव लाणो।
– कंफ्युसिअस
69. अकल को काम योईस हे, के खाली खुला दिमाग ने बदलणो।
– मेल्कन फोर्ब्स
70. जमारा की आदी कम्याँ को कारण, घोड़ा ने उछळबा की टेम में वींकी लगाम गेंच लेणी।
– चार्ल्स डिकेन्स
71. एकीस चीज हे जो मनकाँ की भीड़ ने माने अन वा हे मनक की मईली आत्मा।
– हार्पर ली
72. खास मजो काम कराबाऊँ अन गुणगाण हुणाबाऊँ ने आवे, हऊ काम करबाऊँ मले।
– विल्फ्रेड ग्रैनफ्रैल
73. थाँकाणी नेतागरी में सोक ने लेवो तो ईंको मतलब यो कोइने हे, नेतागरी थाँका मे रुची ने लेवे।
– पेरिक्लीज
74. आपाँ कई छावाँ, यो जाण्याँ बना वींने पाबा का बाते हारोई पसिनो निकाळ नाकाँ तो दुक हे।
– डॉन हेराल्ड
75. माँ-बापऊँ आपी चालबो हिकाँ, हात खोलन चालाँ तो ठा पड़े के आपणे फाँकड़ा हे।
– हेलन हैज
76. हिदा हादा को मतलब हे फोरी बोर्या अन गुदड़ा के लारे जमारो निकाळणो।
– चार्ल्स डडली वार्नर
77. दन्याँ अस्या मनकाऊँ भरी तकी हे, जो होरा, सुक में रेबा की बाट में संतोस ने गमा नाके।
– डान लार्सन
78. दया मन को मोटो ईनाम हे, ईमें माता पे सईकल ने ढाबबा को काम करे।
– बेंजामिन डिजराइली
79. माकी रेणी-सेणी माका काबुऊँ बाने वेवे, पण माकी रेणी- सेणी माका काबु मे वेवे।
– बेंजामिन डिजराइली
80. बाळकाँ के हीकबा की हऊँ अटकळ या हे के पेल्याँ वाँको मन जाण लेणो अन पछे वींने वो करबा की राई देणी।
– हैरी ट्रूमैन
81. जमारा को मतलब कई रेजई, जदी आपाणी हदई काम की लग ने राकाँ तो।
– विसेंट वान गॉ
82. बड़्या सबदा को घणो मोल मले अन वाने बणाबा में घणो कम खरचो आवे।
– जॉर्ज हर्बर्ट
83. टेम मनकां ने बदल देवे पण वाँका उन्यारा ने बदले जो आपणा मन मे बण्यो तको वे।
– मार्सेल प्रूस्ट
84. लुगई अन मनक की रेणी- सेणी अणी बात मूँ नंगे पड़े के लड़ई की टेम में कुण बेवार करे हे।
– जॉर्ज बनार्ड शॉ
85. दरपण्यो अन दगा वाळा मनकाऊँ हारुई काम ने वेवे, काँकी वाँने अस्यानीस लागे।
– सर वॉल्टर स्कॉट
86. देसभगती को मतलब बडाबा की जगा की रुकाळी कोइने, काँकि आपणी ओलाद के बाते जगाँ राकणी।
– जोस आर्तेगा गासेत
87. आपणा हपना मे बेटबाऊँ पेली वाँका पे बड़्या जीतबो हींक लेणो छावे।
– मेरी वेब
88. जदी थाँकाणी हेला छेटी जाणा छावो, तो रीस्या बळणो, उपरला मनमूँ, हवारत अन दरपणी छोडन खुद फारक वेणो छावे।
– त्शेजेर पावेज
89. थाँकाणी थाँको परवार ने मान सको, यो थाँकाने मल्यो तको भगवान को ईनाम हे, जस्यान थाँकाणी भी वाँके बाते ईनाम हो।
– डेसमंड टूटू
90. जणाँ रुकड़ाँ ने रोज भईरा मूँ लड़णो पड़े, वाँकी जड़ा ऊण्डी अन मजबूत वेती जावे।
– क्लॉड मैकडॉनल्ड
91. मईला रुप मूँ माँकाणी जो बी हासल करा, बारला हऊँ कामा ने जोड़ देवे।
– प्लूटार्क
92. एकेला, सान्ति को रस पीन मनक की दरपणी भगा देवे अन धरम को परेम रस पीन भना पाप को वे जावे।
– गौतम बुद्ध
93. कस्योई मनक मन को कस्यो हे, यो जाणणो वे तो वींका लारे रेवो वो आको दन कई भणे।
– फ्रांस्वा मॉराएक
94. मने धरती पे ऊबा वेबा के बाते कसी जगा दे दो, तो भी मूँ धरती ने हला देऊँ।
– आर्कमिडीज
95. मूँ मनकां में ईं बाते भरोसो करु, काँकि वे हारई मनकाँ ने आगे जाबा को मोको देवे।
– वुडरो विल्सन
96. कसी भी चीज आपणा मूँ ने तो भली हे अन ने हुगली, वाँ हमजबा मूँ वसीस वे जावे।
– शेक्सपीयर
97. कसी भी अबकई हेली चिंता अन होच बच्यार ने बराबर ने कर सके।
– वोल्टैयर
98. जटा तक आपाणी कस्याई जानवराऊँ दोसती ने करा, ऊटा तक आपणी आतमा को एक हिस्सो हुतो तको रेवे।
– अनातोले फ्रांस
99. काम कराबा की कळा राज नके हे। कस्यो काम करबा जस्या हे, यो नरणे लेबा की कळा नेता की हे।
– जायगम्यून बॉमैन
100. माकाणी हाँ तो बड़्या ओद का मोल्या पण भगवान का घर ने हमजबा की समता मानें खास बणावे।
– स्टीफन हाकिंग्स
