101. हिंसा का बाते यो भरम हे, के जमारो अस्यो धन हे, जो बताबा को कोइने, काँकी रुकाळी करबा की चीज हे।
– हेनरी नाउएन
102. कीड़ी मूँ बड़्या कुई ग्यान की बाताँ ने केवे अन वाँ गूंगी रेवे।
– फ्रैकलिन
103. बच्यार करम की आतमा हे।
– ब्राउनिंग
104. थाँकाणी थाँको पाँण पाछो ला सको, जदी थाँकाणी वींऊँ परेम करो, जिमूँ रीस करबो थाँने हिकाया हा।
– ब्रायंट मैकगिल
105. जदी वाँको थाँकाणी कई एगेटो करबो छावो, तो इकी भाँट मत नाळो। भना सबर वेबो हीकणो।
– गुरबक्ष चहल
106. मनकाँ का मन में ऊजितो पुगाणो, तो कस्या भी कलाकार को काम हे।
– जॉर्ज सैंड
107. घणी बड़्या बाता थाँका बोलबा के बाते आपणा जमारा मूँ दे सका।
– ओलिवर गोल्डस्मिथ
108. काम वेणो एक लोबी माड़साब हे, जो मनकाँ में या होच बड़्या कर देवे, काँकी वींको काम नें बगड़े।
– बिल गेट्स
109. आपणा हपना ने हाचो वेबा को भरोसो, जमारा ने हऊँ बणावे।
– पाओलो कोएल्हो
110. माकाणी जिमूँ दरपा हा, टेम के लारे आपाणा पे रीस करबा लाग जावा।
– विलियम शेक्यपीयर
111. कुई काम किदा का केड़े खराब लागे, तो कई काम को कोइने अन बड़्या लागे तो काम को वेवे।
– अर्नेस्ट हेमिग्वे
112. बच्यार को घणो मोटो जमारो वेवे। बच्यार ने जीवतो राकबा के बाते मनक आपणा पराण देदे। चिन्ता वाळा की मोत मूँ बच्यार घणा वे सके।
– भगिनी निवेदिता
113. हऊ आदमी दुजाँ की मदत को मोका होदे। खराब आदमी पूँछे, इमूँ मनें कई मुनापो वेई।
– ब्रायन ट्रेसी
114. आकुई जमारो एक काम हे। जतरो हेलो थाँकाणी केरो, ऊतरूई बड़्या वेई।
– राल्फ वाल्डो एमर्सन
115. एक अकलदार मनक का कई बी जबाब पुछबा मे आदो जबाव मल जावे।
– सोलोमन इब्न गैबिरोल
116. आपणा जमारा में जो बी मजबूत अन टकया तका राजी हे, वींमूँ बी नेऊँ पीया परेम रेवे।
– सीएस लुईस
117. दुसमण को लोड़ो कतरो बी ऊनो वे जावे पण हतोड़ो तो हीळो रेनीस काम मे ले सके।
– सरदार वल्लभभाई पदेल
118. मूँ देकन हिक्यो वो हारुई बना पुँछ्या करुँ, जो मनक राज वाळा मूँ दरपन करे।
– अरस्तु
119. जो धोको करबो जाणे, वो दुसरां ने बदनाम करबो बी जाणे।
– नेपोलियन बोनापार्ट
120. रोज हऊ रेबऊ अन आरामूँ अनोकी चीजा को जनम वेवे।
– अमोलिया बार
121. जदी थाँकाणी दुसमण के लारे परेम छावो, तो वींका लारे मलन काम करणो, जदी वो थाँको पाँतीदार वेजई।
– नेल्सन मंडेला
122. कुई थाँकाऊँ गेरो परेम करे, तो थाँने जोर मले अन आपाँ किकऊँ गेरो परेम छावा तो हिमत पेदा वेवे।
– लाओत्से
123. डापो लागबा की टेम, काम चालू करबा के बाते हऊ वेवे।
– परमहंस योगानंद
124. थाँ कसी चीज को हारुई ग्यान लेबो छावो, तो वींने दुजा नें हीकाबा लाग जावो।
– ट्रायन एडवड्स
125. जदी हारई कानून नें खतम कर नाका, तो बी अकलदार मनक वस्योईस जमारो जीवतो रेई।
– एरिस्टोफैन्स
126. ब्याव में बाजबा वाळा गीतमूँ मनें, फोज वाळा की लड़ई में जाबाऊँ पेली बाजबा वाळो गीत आद आ'जावे।
– हैनरिस हैन
127. हपना नें हाँचो करबा की रमूज जमारा ने हऊ बणावे।
– पाउलो कोएल्हो
128. थाँकाणी जो ने हो, वींका बाते माने पाबा मूँ बड़िया हे जो वींका बाते नट जावे।
– आंद्रे जीड
129. दन्या को हारुई जोर पेल्याऊँ आपणो हे, ये तो आपाँ हाँ जो आँक्याँ मीचन अंदारा में हाको करर्या हाँ।
– स्वामी विवेकानन्द
130. जदी किनी ईं दन्याँ को हारुई धन मल जावे पण जीव मूँ परो जावे तो वींने कई मुनापो।
– ईसा मसीह
131. थाँकाणी सेंफळ में बीज की गणती कर सको पण बीजाँ में सेंफळाँ की गणती तो भगवानीस कर सके।
– राबर्ट एच शुलर
132. जींदाण अंदारो हेलो वेवे, वींदाण मनक तारा देक सके।
– राल्फ वाल्डो इमर्सन
133. कोई बी मनक एकीस नंदी में दो दाण ने उतर सके, काँकी ने तो नंदी वईस वेवे अन ने वो मनक।
– हेराक्लिटस
134. हरेक बणई तकी चीज कारीगर की खुद की कता वेवे, जस्यान मोती सीप की कता वेवे।
– फेडेरिको फेलिनी
135. जटा तक उमेद की जईगाँ दुक ने वेवे, वटा तक इंसान बुडो ने वेवे।
– जॉन बैरिमोर
136. गालड़ा पे पड़बा वाळो मुक्को वे सके, थाँके वाते घणी बड़्या बात वे सके।
– वॉल्ट डिज्नी
137. कस्याई दोस्त ने माप करबा के बाते तो दुसमण ने माप करबो हेलो होरो।
– विलियम ब्लैक
138. रुपाळो सकल में ने वेवे, रुपाळो तो मन को ऊजितो वेवे।
– खलील जिब्रान
139. जणी दन्याँ में जात में हऊ काम ने वेई, उटे नेताऊँ हऊ काम की बात करणी हवा में बाताँ करबा का जस्यान वेई।
– महात्मा गांधी
140. एक हादा जमारा में फोरी-फोरी बाताँ की नंगे राकन बी आपाँ, हाजा हाँतरा रे सकाँ।
– डॉ. राजेन्द्र शुक्ला
141. जदी थाँकाणी छावो तो उजितो हेलो चमकतो तको वेवे, तो थाँने अंदारा को नाम बी हमजणो पेड़ी।
– फ्रांसिस बेकन
142. धरती वींकी जईगाँ पे फरबा में पूरा 24 घण्टा ने लगावे, पण वींने वींकी परकमा पूरी करबा का बाते 23 घण्टा, 56 मिनट अन 4 सेकण्ड लागे।
– अज्ञात
143. करम मनक ने हाजो-हाँतरो राके।
– श्री कांत कुलश्रेष्ठ
144. मुण्डो उतारणो कई वेवे? खराब टेम में यो जाणणो सबऊँ हेलो खराब कई वे सके।
– फ्रेंसिस हर्बर्ट
145. सेवा को काम भगवान ने राजी करबा को कोइने पण सेवा करबा वाळा ने बदलणा छावे।
– सर् किर्कगार्ड
146. बचमें बोलबो ने तो कळा हे अन ने खोज करबा वाळो यो तो चकमो देबा की तरकीब हे।
– स्टेंडल
147. हजार पोला सबदाऊँ तो हऊ वो एक सबद हे जो मन में सान्ति लावे।
– महात्मा गौतम बुद्ध
148. हारई खराब काम मनऊँ पेदा वेवे, जदी मन बदल जावे तो कई खराब काम वे सके कई।
– महात्मा गौतम बुद्ध
149. एक जग टपका-टपकाऊँ भरावे।
– महात्मा गौतम बुद्ध
150. निकळ्या तका टेम पे अकल मत दो, आबा वाळा टेम का बाते मत होचो, आपणा मन ने अबाणूँ एक जईगाँ ढाब्यो तको राकणो।
– महात्मा गौतम बुद्ध
151. हाजो-हाँतरो रेणो सबऊँ मोटी चीज हे, संतोस सबऊँ मोटो धन, बना हवारत वाळा की सबऊँ मोटी आँकळी हे।
– महात्मा गौतम बुद्ध
152. जस्यान मोमबत्ती बना बादी ने लग सके, उस्यान मनक बी बना नतनेम को जमारो ने जी सके।
– महात्मा गौतम बुद्ध
153. तीन चीजाँ हेली देर तक ने छुप सके- दन बावजी, चाँद बावजी, अन हाँच।
– महात्मा गौतम बुद्ध
154. आपणी मोत का बाते खुद ने कोसीस करणी, दूजाँ के भरोसे ने रेणो छावे।
– महात्मा गौतम बुद्ध
155. कस्याई काँकड़ का जनावराँ करता एक कपटी अन खराब दोस्तऊँ हेलो दरपणो छावे, जनावर तो खाली थाँका डील ने नंगसाण पुगा सके पण एक खराब दोस्त थाँकी अकल को नंगसाण कर देवे।
– महात्मा गौतम बुद्ध
156. थाँका नके जो कई बी वेवे वींने बडा-छडान ने बताणो छावे अन दुजाँ मनकाँ पे रिस्याँ ने बळणो छावे। जो दुजाँ मनकाँ पे रिस्याँ बळे वीं मनक ने कदी सान्ति ने मले।
– महात्मा गौतम बुद्ध
157. नपरत, नपरतऊँ ने परेमऊँ खतम वेवे, यो हारोई हाँच हे।
– महात्मा गौतम बुद्ध
158. हण्डाळी वो हे जींका दसमण वे हे, जो थाँका बी दसमण हे।
– जॉन अब्राहम लिंकन
159. हमेस्यान जाण में राकणो के थाँका नके वेबा को धार्या तको काम ओरी दुजा धार्या तका काम मूँ हेलो कामको हे।
– जॉन अब्राहम लिंकन
160. जदी थाँकाणी सान्ति छावो तो मनकाँ का परेमऊँ बंचन रेणो छावे।
– जॉन अब्राहम लिंकन
161. हिदा-हादा दिकबा वाळा मनकीस दन्याँ का सबऊँ हऊ मनक वेवे, ईं बाते भगवान अस्या घणा मनकाँ ने पेदा करे।
– जॉन अब्राहम लिंकन
162. जदी थाँकाणी एक दाण थाँका हण्डाळी को भरोसो तोड़ नाको तो थाँका पाछो वींको मान-समान ने पा सके।
– जॉन अब्राहम लिंकन
163. ऊँचा जाबा का बाते जोस छावे, भलई वो मोटो मंगरो वो कन थाकी कमई।
– डॉ. अब्दुल कलाम
164. कई आपाणी यो ने जाणा के मान-समान खुद पे भरोसा के लारे आवे।
– डॉ. अब्दुल कलाम
165. बारलो सुक छोडन खास मान-समान पाबा के बाते काम करणो छावे।
– डॉ. अब्दुल कलाम
166. भगवान जो आपाने बणाबा वाळा आपणा भेजा में अणुतो जोर अन दम दे मेल्यो, भगवान की परातना आपणा जोर ने हेलो बडावा में मदत करे।
– अज्ञात
167. मूँ हमेस्यान ईं बात ने मानबा ने त्यार हूँ के मूँ खुद चीजाँ ने ने बदल सकूँ।
– डॉ. अब्दुल कलाम
168. मोटा हपना देकबा वाळा का मोटा हपना हमेस्यान पूरा वेवे।
– डॉ. अब्दुल कलाम
169. जदी आपाँ खुला ने वेवाँ तो कुई बी आपणो मान-समान ने करे।
– डॉ. अब्दुल कलाम
170. आवो आपाँ आपणा आज ने काट नाकाँ जीऊँ आपाणी आबा वाळी पीडी को काल हऊ वे सके।
– डॉ. अब्दुल कलाम
171. बादळा में देको, आपाँ अकेला ने हाँ, आकुई तीन लोक आपणा बाते हऊ हे अन जो हपना देके अन मेनत करे वाँने वाँको फळ देबा की कळा होचे।
– डॉ. अब्दुल कलाम
172. मनक के अबकई की जरूत वेवे, काँकि आगे बडबा को मजो लेबा के बाते यो जरूरी हे।
– डॉ. अब्दुल कलाम
173. कस्या बी धरम में दुजा धरम ने बणायो तको राकबा का बाते दुजाँ ने मारबा के बाते ने बता मेल्यो।
– डॉ. अब्दुल कलाम
174. ईऊँ पेल्याँ हपना हाँचा वेवे, आपाने हपना देकणा पेड़ी।
– डॉ. अब्दुल कलाम
175. फोरी-फोरी चीजा पे एमानदार रेणो छावे, काँकि यामेंइस आपणो जोर वेवे।
– मदर टेरेसा
176. मूँ छऊँ के थाँकाणी आपणा पड़ोस के बाते होस करो, कई थाँकाणी जाणो हो, थाँको पड़ोसी कुण हे?
– मदर टेरेसा
177. जदी आपणा मन में सान्ति कोइने तो इको कारण यो हे, आपाँ भूल ग्या के एक दुजाँ का हे।
– मदर टेरेसा
178. जदी थाँकाणी हो मनकाँ ने खुआ सको तो थाँकाणी एक मनक ने खुआवो।
– मदर टेरेसा
179. सान्ति की सरुआत मळकबाऊँ वेवे।
– मदर टेरेसा
180. जटे जावो उटे परेम करो, जो बी मनक थाँका नके आवे वो राजी वेन जावे।
– मदर टेरेसा
181. सबऊँ मोटी बेमारी खुर्रो अन ताव ने हे, पण बना काम को वेवे वो सबऊँ मोटी बेमारी हे।
– मदर टेरेसा
182. मनक ने यो देकणो छावे के कई हे, यो कोइने के वींका हस्याबूँ कई वेणो छावे।
– एलबर्ट आइंस्टाइन
183. जी मनक कदी गलती ने किदी वो कदी कई नवो करबा की मेनत ने किदी।
– एलबर्ट आइंस्टाइन
184. रीस बेण्डा की छाती में रेवे।
– एलबर्ट आइंस्टाइन
185. जदी मनक जाति ने जीवती राकणी हे तो आपाँने एकदम नवो होचबा की जरुत पेड़ी।
– एलबर्ट आइंस्टाइन
186. जो कदी दुक ने जेल्यो वेवे, वींने कदि मोटो पद ने मल्यो।
– क्वाल्स
187. समन्दर आसमान्यो काँ हे? हीरा काँ चमके? हुदो जबाव पूँछो अन कुदरत आपणो पड़दो ऊटा देई।
– सी.वी. रमन
188. जमारो तो आपणा जोर पे जीव सकाँ, दुजाँ का खान्दा पे तो खाली खाटली तोके।
– शहीदभगत सिंह
189. मूँ एक मनक हूँ अन जो कई बी मनकपणा मूँ राजी करे वीऊँ मारे मतलब हे।
– शहीदभगत सिंह
190. खराब बाताँ अन हऊ बच्यार ये दो लकण लड़ई की होच का खास लकण हे।
– शहीदभगत सिंह
191. कानून की ऊजळई जटा तक वणी तकी रेवे वटा तक वो मनकाँ की छावना करे।
– शहीदभगत सिंह
192. मनकाँ ने मार नाके पण वाँकी होच ने ने मार सके।
– शहीदभगत सिंह
193. जो मनक आगे बडबा के बाते ऊबो हे, वींने हरेक पुराणी रीत अन चीज ने अणदेकी करणी पेड़ी, वींमे बसवास ने करणो पेड़ी अन वींने दरपाणो पेड़ी।
– शहीदभगत सिंह
194. जदी बेरा ने हुणाणा हे तो बोली ने घणी जोर की करणी पेड़ी, जदी माँकाणी बम छोड़्यो तो माको बसबास किनी मारणा कोइने। माँकाणी अंगरेजा का राज पे बम फेंक्यो हो। अगरेजाँ ने भारत छोड़णो छावे अन वाँने खुलो छोड़णो छावे।
– शहीदभगत सिंह
195. परेमी, बेण्डो अन कवि एक चीज का बण्या तका हे।
– शहीदभगत सिंह
196. बानी को हरेक कण मारी तपती मूँ आगे हे मूँ एक अस्यो बेण्डो हूँ जो जेळ में बी खुलो हूँ।
– शहीदभगत सिंह
197. कबीरदाजी केवे, के एक फोरीक चीज की बी खोट्याँ ने खाणी, ज्यो थाँका पगाँ रेटे दब जावे, अन जदी वो टीण्डको ऊडन आँक में आ पड़े तो कतरी ऊण्डी पीड़ा वेवे।
– संत कबीर दास
198. ईं दन्याँ में हऊ मनकाँ की जरूत हे जस्यान धान स्याप करबा को छादळो वेवे, जो हऊ-हऊ ने बंचा लेवे अन खराब ने उडा देवे।
– संत कबीर दास
199. मन में संतोस राकबाऊँ हारुई वेवे अन जदी कुई माळी रूँकड़ा ने हो घड़ा पाणी का पावे तो बी वींके फळ तो रत का हस्याबु आई।
– संत कबीर दास
200. हऊ मनक की जात ने पूँछन वींको ग्यान हमजणो छावे, तलवार को मोल वेवे, ने वींकी म्यान को।
– संत कबीर दास
