लेक वेबसाइट पे डालबा के बाते नेम


अ. लेक का परकार

ईं वेबसाइट पे आपणा लेक त्यार करबा के बाते अन वाँमें मदत करबा के बाते नरई नेम दिदा तका हे:-

1. संस्करति का हस्याब मूँ बड़्या: ईं वेबसाइट पे हारई लेक मेवाड़ी समाज , आपणी संस्करति अन मेवाड़ी का बारा में वेणा छावे। अस्या लेक ज्यो सांस्करतिक कन सामाजिक रुप मूँ मेवाड़ी समाज के बाते सई अन हाँचा कोइने। वाँने ईं वेबसाइट पे ने नाकणा।

2. समाज ने बाँटबा वाळा लेक: हारी समाजाँ के न्यारा-न्यारा नेम वेवे अन वे हमेस्यान बाँटबा के बाते आगे आवे अन वे हारी समाजाँ ने एक हण्डे ने करे। ईं वेबसाइट को मकसद हारई मेवाड़ी समाज ने एक हण्डे लाणो। जस्यान- राजनेती अन धरम वाळा मनकाँ ने, ने बाँट सके ईं बाते यो ते करणो:

  • ईं वेबसाइट पे नाक्या तका हारई लेक राजनेतिक ने वेणा छावे। वाँ सब लेकाँऊँ बंचणो ज्ये एक राजनेतिक पक्स अन ओरी कई वेवे।
  • ईं वेबसाइट पे नाक्यातका हारई लेक धारमिक ने वेणा छावे। वाँ सब लेकाँऊँ बंचणो ज्ये कस्याई धरम कन कस्याई खास भगवान की वावई हे।

 

3. निरमाण सोसायटी का हपना, मिसन अन खास मूल्याँ के हाते मिलान:

मेवाड़ी में वेबसाइट विकास निरमाण सोसायटी की एक पेल हे ज्यो

मेवाड़ी समाज अन मेवाड़ी के विकास का बाते काम करे। यो खास हे के या वेबसाइट निरमाण सोसायटी का मूल्याँ अन मकसद के उल्टी कोइने हे। वाँकी वेबसाइट पे निरमाण का हपना, मिसन अन खास मूल्याँ की जाणकारी हे।

4. लेक का परकार: ईं वेबसाइट पे परोत्साहित करबा वाळा लेकाँ का परकार, पण बन्दीगत में कोइने हे, नीचे लिक्या तका हे :

  • मेवाड़ी समाज, संस्करति, वाँके द्वारा अनुसरण करबा वाळा धरम, मनकाँ को इतिहास, इलाको, जगाँ को नक्सो, संस्करति का सई चितर, सबदकोस,काण्याँ, कावताँ, गीत, मुवावरा, पारस्याँ, बाताँ, हमच्यार पतर, जनम,मरण, ब्याव, तुवार, सांस्करतिक काम-काजाँ की जाणकारी।
  • सरकारी कन गेर-सरकारी कारयकरमा की जाणकारी ज्या मेवाड़ी में, समाज के बाते फायदा की हे।
  • निरमाण का कारयकरमा की जाणकारी जस्यान मेवाड़ी साक्सरता, मेवाड़ी विकास, खेती, सिक्सा ओरी ज्यो बी वेवे।
  • वाँ कारयकरमा की जाणकारी ज्या समाज के बाते फायदा की हे, वेबसाइट में जोड़बा के बाते बच्यार कर सकाँ हाँ।
  • मेवाड़ी में परकासण ज्यो इलेक्टरोनिक हे। ऑनलाइन परकासणा ने परकासण करबा वाळा ने स्वीकार करणो पेड़ी, जदि कुई वेवे।
  • मेवाड़ी समाज, संस्करति सब का बाराँ में में परकासणा की सूची।
  • मेवाड़ी कन कसी दूजी हिन्दी में दूजी वेबसाइटाँ का लिंक, जटे समाज, संस्करति, सेतर सबाँ की सई जाणकारी हे।

ब. वेबसाइड पे चीजाँ नाकणी

ईं वेबसाइट पे कई बी लेक नाकबा के बाते आँ लिक्या तका नियमा की पाळणा करणी छावे।

  1. ईं वेबसाइट पे कई बी लेक नाकबा का पेल्याँ वेबसाइट पे काम करबा वाळा ने एक सई ईमेल आईडी कन फोन लम्बर ने काम में लेन ईंपे जुड़णो पेड़ी।
  2. ईं वेबसाइट पे नाक्यातका लेक असली वेणा छावे (कस्याई नकल किदा तका की अनुमति कोइने हे)।
  3. वेबसाइट पे नाकबा का लेक एक संपादन करबा वाळाऊँ जाँच कराणी अन लेक नाकबा वाळा ने संपादक केवे जस्यान लेक में बदलाव करबा के बाते सहमत वेणो छावे।
  4. लेक जाँचबा वाळा नकूँ जाँच करायाँ केड़े वेबसाइट पे ऑनलाइन वेई, जदि जाँचबा वाळो लेक ने स्वीकार ने करे तो वेबसाइट पे नाकबा वाळा ने सूचना देई, पण संपादन करबा वाळी टीम को नरणे सई वेई।
  5. संपादन करबा वाळी टीम लेक परकासण वेबा के केड़े बी वाँने अपरकासित करबा को अदिकार सुरक्सित राके, जदि कई समस्या कन दावो हे।


स. वेबसाइट पे वेबा वाळो काम

 ईं वेबसाइट पे नाक्या तका हारई लेक जाँच की परकिरया में वेन जई। ईं परसंसकरण का 3 स्तर केराँ, जस्यान नीचे दिदो तको हे:

सामान समन्वयक मूँ पास/सई: सामान समन्वयक एक मेवाड़ी बोलबा वाळो वेई ज्यो समाज , संस्करति, इतिहास ने बड़्या तरीकाऊँ जाणे, सामान समन्वयक ने लेक, वाँको मूल्य ,उपयोगिता सब मेली अन वाँको मूल्यांकन केरी। सामान समन्वयक कस्याई अस्या मनक की बी मदत केरी, जिंने नुवा लेक ने बडाबा के बाते मदत की जरुरत हे।

वेबसाइट फेसेलिटेटर मूँ पास/सई: वेबसाइट फेसिलिटेटर मेवाड़ी जाणकारों व नरई दूजा मेवाड़ी बोलबा वाळा के हण्डे बातचीत व जाणकारी केरी अन पछे लेक ने पास/सई कन फेल/गलत केरी। इने मंजूरी मलबा के केड़े ईस वेबसाइट पे नाकाँ। जदि विंने ने माने तो, इने वेबसाइट ऊँ मटा नाकाँ।

वेबसाइट परबन्धक द्वारा नाकणा: सब लेकाँ की जाँच करबा के बाते वेबसाइट परबन्धक जमेदार वेवे। जदि वेबसाइट परबन्धक जाँच करे अन पास करे, तो लेक ने जनता के बाते परदरसित केराँ। केवल एक पास/सई लेक ईस वेबसाइट पे नाँका अन दूजा लेक वेबसाइट पूँ मटा नाकाँ।